Lirik Lagu Sakur Ngimpi - Darso

SAKUR NGIMPI - DARSO

Cipt. Dose Hidaya

Saprak anjeun ngaleos

Ngabeubeutkeun duriat

Nirup asa nunggelis 

Hate mararingis

Saprak anjeun ninggalkeun

Ngararajet cinta urang

Pikiran baluweng 

Pinuh ku emutan

Sagala rasa kabawa anjeun

Saparo rasa ngilu ka anjeun

Nikmatna hirup leungit teu nyesa

Teuing kamana

**

Letah teu mirasa sagala karasa pait

Sare gulang guling hese peureum

Kahayang mah 

Ieu teh sakur ngimpi

Anu ngageuingkeun urang

Tina kasombongan diri

Kahayang mah 

Waktu teh ngulang deui

Sabulan anu katukang

Basa silih keukeupan

Ngahelas kaleungitan

Ngorejat seseblakan

Lieuk euweuh lieuk euweuh

Ngagugulung lamunan

Ngarep-ngarep sakur ngimpi

Ngarep-ngarep anjeun datang

Tiap detik ngan tatanya

Dimana anjeun

Back **